كل المواقع و الصفحات الخاصة بتكنولوجيا الهولوجرام ( موضوع متجدد )

دى قايمة بالمواقع و المدونات و صفحات الويب اللى بتتكلم عن الهولوجرام ،

الموضوع متجدد باستمرار ، فياريت اللى يلاقى موقع عن الهولوجرام يفتح الموضوع و يعدله و ينزل الموقع ، علشان الكل يستفيد .

http://www.hololight.net/medical.html

http://www.holoxica.com/id/616

http://www.realviewimaging.com/

http://www.hologram-industries.com/

http://musion.co.uk/#

http://holocenter.org/what-is-holography

اقرء المزيد

كيف تبحث عن المعلومات العلمية ؟؟ و اهم مواقع البحث العلمى ..

كيف تبحث عن المعلومات العلمية ؟؟ و اهم مواقع البحث العلمى ..

بسم الله الرحمن الرحيم

ازاى تقدر تبحث عن معلومات عن مجال علمى معين من على الانترنت ؟؟ ، و ازاى تحل مشكلة الترجمة الحرفية للمقالات العلمية من الانجليزية للعربية ؟؟ و ازاى تقدر تخرج بأكبر قدر من استيعاب للافكار العلمية اللى بحثت عنها ؟؟ و ليه دايما كل الباحثين بيبحثوا بالانجليزي فى محركات البحث زى جوجل ؟؟ طب انا اجيب منين مواقع للابحاث العلمية؟؟ و ايه هيا الطرق التانية اللى اقدر ازود بيها فهمى لشئ معين مقدرتش استوعبه من قراية المقالات و الابحاث ؟؟

و الاجابة على الاسئلة دى هيا هدف الموضوع بتاعنا ان شاء الله ..

البحث على المعلومات على الانترنت اصبح سهل جدا على اى شخص يريد معلومة معينة ، لكن  لو انت باحث او بتحضر لرسالة علمية ، محتاج انك تبحث بطريقة احترافية على الانترنت لتوفير الوقت و المجهود ، و كمان للحصول على معلومات صحيحة و غير تقليدية .

1 - لما تيجى تبحث عن معلومة لأول مره ، لازم تبدأ تبحث عنها بالعربى ، علشان يبقا سهل عليك تفهمها ، و تقرا ع الاقل 3 مقالات بالعربى بتتكلم عن المعلومة دى ، و لما تفهم فكرتها و لو حتى بنسبة 50% ، ابدأ بالبحث بالانجليزية ، علشان وقتها هيبقا عندك خلفية عن الموضوعات اللى هتقابلها ، و حته فى ترجمتها هتلاقى الحكاية اسهل شوية لأنك فاهم فكرة الموضوع .

2 - الترجمة : و اعتقد ان دى اكبر مشكلة ممكن تواجه الناس فى البحث ، و ترجمة جوجل ترجمة حرفية ، ف مش هتديك المعنى العلمى المظبوط .. و عشان تحل المشكلة دى ، هتعمل ايه ؟؟  الاول هتقرا الموضوع (يعنى الموضوع اللى بيتكلم عن المعلومة اللى انت بتبحث عنها) فقرة فقره ، و تمسك الفقره و تقراها كلها مرتين ، و اكيد هتعرفلك كام كلمة انجليزى كده ، و بعدين تنسخ الفقره و تروح على ترجمة جوجل و تلصق الفقره ، هتلاقى الدنيا وضحت معاك اكتر ، طب لو لسه فيه حجات غامضه ، تقون فاتح موقع ترجمة من دول و تترجم الفقره ، و هتلاقى ساعتها انك فهمتها و كمان اكتسبت مصطلحات علمية جديدة .

ترجمة جوجل 

ترجمة بأكثر من مصدر

ترجمة نصوص كاملة

موقع بينج للترجمه

دى المواقع اللى اعرفها ، و لو حدح يعرف مواقع تانية يفتح الموضوع و يعدله و يضيفها.

3 - مواقع و محركات البحث العلمى :

فيه عندنا مواقع كتير جدا متخصصة فى البحث العلمى زى

جوجل الباحث العلمى

جوجل للكتب

موسوعة ويكيبيديا

 و فيه مواقع للبحث اسمها (أدلة بحث موضوعية) ، يعنى مواقع زى جوجل بالظبط ،تقوم بالبحث الموضوعى المنطقى عن كلمات البحث ، يعنى يفرقها عن جوجل انها بتدير مواقع معينة تحت ادارة اشخاص و ليس تحت سيطرة برنامج بحثى ، يعنى نتائج البحث فيها هتكون محدودة ، لكنها موضوعية ومنطقية ، زى المواقع دى :

bing

yahoo maktooob

و برضه لو حد عنده اضافات يا ريت يكتبها ..

ملحوظات :

- و انت بتبحث ، و خاصة لو لسه بتبحث اول مره فى موضوع معين ، اكتب قبل كلمة البحث كده : (مقدمة فى ******) ، ( Introduction to ****) ، علشان يجبلك مواضيع سهلة و خاصة بالطلبة الى حد ما .

 - حط علامة + بعد كتابة كلمات البحث ، علشان محرك البحث زى جوجل مثلا يجبلك كل المواقع اللى بتحتوى على جميع كلمات البحث ، يعنى بمفهوم اخر توسع نطاق بحثك.

- للبحث عن مواضيع مطابقة تماما لما تبحث عنه ، ضع كلمات البحث بين علامات التنصيص "   "  .

- استخدام رمز النجمة * للبحث عن الكلمات التى تشترك مع كلمة البحث فى الحروف التى تسبق النجمة ، يعنى لو هتبحث عن كل المواضيع و الكلمات اللى فيها الحروف دى ( هولو) ، يبقا تكتب كلمة البحث بالشكل ده ( هولو*جرام).

4 - اليوتيوب : و دى ممكن تستفيد منها ف البحث عن اجمالى الموضوع كله ، و ممكن لما تزهق من قراية الابحاث ، تفتح فيديوهات عن الموضوع و و تريح ذهنك مده ، و هتلاقى ان الفيديوهات بتوضحلك حجات كتير ، او بتفهمك كلام اكاديمى انت كنت شايفه كلام معقد و غير مفهوم .. و دى ميزة الميديا ، يعنى الصور و الفيديوهات ، انها بتوصلك المعلومات فى صورة مبسطه و سلسه ، و كمان فى مجالنا ، الاكتفاء بالبحث الاكاديمى فقط هيسببلك ملل ، و ممكن يجيب نتيجه عكسية ، انك بدل ما كنت مهتم بالموضوع و عندك حماس تدور اكتر و اكتر ، هتزهق و تمل ، لكن الفيديوهات هتنمى عندك الجانب العملى شوية ، و تخفف الضغط الواقع من الجانب النظرى ..

يا رب الموضوع يفيدكم ،  و ده كل اللى اعرفه ،  و دى الطريقة اللى بشتغل بيها و هتجيب معاكم نتيجة ان شاء الله

اقرء المزيد

طريقة كتابة المواضيع و اضافة الصور و الفيديوهات

بسم الله الرحمن الرحيم

تكملة لموضوعنا اللى فات عن التسجيل فى المدونة و ازاى تبقا ناشر فى المدونة ،

انهارده هنعرف ازاى بعد ما بقيت ناشر ، تكتب مواضيع مرفقة بصور و فيديوهات و روابط لمواقع تانية ..

نبدأ ...

الاول هتفتح جوجل و بعدين تضغط على كلمة المزيد فوق .. هيظهرلك كلمة blogger هتضغط عليها ، و هتفتحلك صفحة بلوجر الخاصة بيك .

هتلاقى اسم المدونة بتاعتنا موجود ، تضغط على اسمها زى كده 

و بعد كده هتفتحلك صفحة الاعدادات الخاصة بالمدونة ،و اللى بيبقا فيها كل مواضيع المدونة  بحيث انك تقدر تعدل على المواضيع او تضيف عليها حجات،،المهم ..  هتختار منها كلمة ( مشاركه جديده ) علشان تضيف موضوع جديد .. و الصوره موضحه اكتر ..

هتفتحلك بعد كده صفحة تكتب فيها الموضوع بتاعك و عنوانه و اختيار القسم اللى هتنشر فيه الموضوع ، يعنى لو شوفت الصوره دى هتلاقيها شارحه كل حاجه ، ازاى تضيف صورة و فيديو و تختار القسم ، انا مثلا هنشر موضوعى ده فى قسم تقنيات التصوير فى المدونة ، تروح تضغط على كلمة ( تسميات) و تكتب اسم القسم ( تقنيات التصوير) ..

ايه بقا حكاية الارتباط دى ؟؟

انت مثلا هتضيف رابط لموقع معين او رابط لتحميل كتاب ، تروح ناسخ الرابط و لاصقه هنا ، لكن لما الموضوع يتنشر مش هيظهر للقارئ كانه رابط ينفع يضغط عليه و، لأ ده هيظهر كأنه جمله انجليزية عادى

(الارتباط) بقا هيا اللى بتحل المشكله دى .

ازاى ؟؟ 

انت هتحدد الرابط كله تظلله يعنى ، و بعدين تضغط على كلمة ارتباط ، و هتلاقى لون الرابط بقا ازرق ، ف ده معناه انه اصبح لينك ويب لموقع تانى ..

ف الصوره دى ، الرابط الاول معملتلوش ارتباط ، لكن التانى عملتله ارتباط ، حته هتلاقى فرق ف اللون بين الاتنين ..

نيجى بقا للأهم ، ازاى تضيف الفيديو ؟؟

انت لما تضغط على رمز الفيديو ف ادوات التنسيق ، هتفتحلك نافذه كده هيكون شكلها كده

و زى ما متوضح ف الصوره ، هتختار تانى واحد ف اليمين ، اللى هيا (منyoutube )

و هتكتب فى شريط البحث اسم الفيديو الكامل اللى انت عايزه ، و تضغط عليه و بعدين تنزل تحت و تختار (تحديد) ..

و هتلاقى الفيديو ظهرلك بالشكل ده

بعدين هتضغط على كلمة نشر ، هتلاقيها فوق على الشمال .

كده تمام ..

و افتكر مفيش حاجه فوتها ف شرح المدونة و التسجيل فيها و اضافة المواضيع و كيفية كتابتها و تنسيقها و اضافة الصور و الفيديوهات و لينكات تحميل الكتب ، يعنى لو حد مكنش عارف ازاى يستخدم المدونة ، اعتقد دلوقتى فهم كل حاجه عن الموقع و ازاى يستخدمه و ينشر عليه مواضيعه ..

اقرء المزيد

موقع لشراء الادوات العلمية اللازمة لأى مشروع علمى يخص تقنيات التصوير

بسم الله الرحمن الرحيم

موقع imagesco المتخصص فى بيع الادوات و الالكترونيات اللازمة للمشاريع العلمية و الهندسية.

اضغط هنا للدخول للموقع

الموقع فيه برضه كتب علمية عن تقنيات التصوير بالهولوجرام و ادوات لانتاج الهولوجرام زى ليزر و عدسات و افلام هولوجرام و ادوات اليكترونية ( بيك و اردوينو و بورد و ...الخ)

بس الاهم فى الموقع انه بيبيع زى كده جهاز كامل لانتاج هولوجرام ، و اللى ممكن نستخدمه ف تجاربنا و ابحاثنا 

دى صورة تقريبية للجهاز مأخوذة من اعلان المنتج بالموقع

الموقع ليه كذا طريقة للدفع زى :

حوالة بنكية.

paypal

و طبعا اهمهم و اسهلهم و اسرعهم هي طريقة بنك باى بال ، لأنه بنك امريكى و التحويل هيتم من عليه بامان و سرعه عالية.

مواقع اخرى لها نفس الفائدة :
http://makezine.com/

ان شاء الله هنحتاج المواقع ده ف شغلنا فيما بعد

اقرء المزيد

كيفية عمل ايميل Gmail و الاشتراك فى المدونة و نشر الموضوعات عليها

بسم الله الرحمن الرحيم

هنشرح ازاى نعمل ايميل على جوجل ميل Gmail علشان نشترك فى المدونة بتاعتنا ( الهولوجرام) ، و هنعرف ازاى برضه ننشر المواضيع فى المدونة و نرفقها بصور و فيديوهات.

نبدأ بانشاء حساب فى جوجل ميل

هتفتح موقع جوجل عادى ، و تدوس على كلمة Gmail هتلاقيها فوق زى ف الصوره كده

 

هتفتحلك بعد كده الصفحة دى ، هتضغط على (انشاء حساب)

هتظهرلك استمارة كده تملى البيانات اللى فيها

 بعد ما تملأ البيانات كلها ، هتضغط على (الخطوة التالية)

بعد كده هتجيلك صفحة يطلب منك اثبات ملكية حسابك ، يعنى هتدخل رقم موبايل ، و جوجل هتبعتلك كود فى رساله على الموبايل

شوف الصوره

بعد ماتدخل رقم موبايل و تختار text message  ، اضغط (متابعة)

و شوف الريالة اللى وصلتلك و دخل الكود اللى فيها ، زى ف الصوره كده

اضغط متابعة بعد ما تدخل الكود

و كده تمام ، و بقا عندك ايميل فى Gmail ، بس احفظ ال user name و ال password كويس عشان لما تسجل دخول ف جوجل

نيجى بقا لتانى حاجه و هى 

الاشتراك فى المدونة

هتفتح جوجل ، ونسجل دخول طبعا و من فوق تختار كلمة بلوجر

بعدين ننزل لغاية ما نلاقى كلمة ( قائمة القراءة) يعنى قايمة المدونات اللى انت مشترك فيها ك قارئ مش ك ناشر ، هتضغط على ( اضافة ) 

هيظهرلنا مستطيل كده ، هندخل فيه عنوان المدونة بتاعتنا 

http://hologram-fp.blogspot.com/


و نضغط متابعة ، زى ف الصورة دى

و هتستنى ثانية ، و هيقولك جارى الحفظ و بعد كده هتلاقى المدونة بتاعتنا بقيت موجودة فى صفحة ال بلوجر بتاعتك ، زى ف الصورة كده

و هتلاقى كل موضوعات المدونة موجوده عندك تحت اسم المدونة ، و عشان تتأكد انك اشتركت ف المدونة ك قارئ للمدونة ، هتفتح صفحة المدونة و هتلاقى اسمك موجود ف المربع اللى على شمال صفحة الموقع باسم المتابعون للموقع ، زى كده

كده خلصنا تانى جزئية ف الموضوع و هى الاشتراك فى المدونة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لكن امته تقدر تنشر مواضيع و صور و فيديوهات ف المدونة و ف القسم اللى انت عايزه كأنك أدمن بالظبط ؟؟

و الاجابة هى انك تبقا ناشر ف المدونة ،، و طبعا دى خاصية بيتحكم فيها صاحب المدونة نفسه .

اللى بيحصل كالاتى ، انت بتبعت ايميل Gmail بتاعك لصاحب المدونة ، و هوا بيبعتلك دعوة للمساهمة فى المدونة

طب ازاى اعمل ده ؟؟

الاول لازم يبقا عندك ايميل gmail و احنا شرحنا ازاى نعمله ف بداية الموضوع ، تانى حاجه هتتبع الشرح ده بالصور علشان تقدر تبقا ناشر ف مدونة (الهولوجرام) ..

اللى عايز يقدر ينشر موضوعات ف المدونة (ناشر) ، هيدينى ايميل ال gmail بتاعه ، و اللى بيكون شكله زى كده 

amr.joby@gmail.com

و انا ف نفس اليوم هبعتله الطلب على حسابه على gmail ، بعد كده iهتفتح جوجل و تضغط على كلمة Gmail فوق ، و تستنى شريط التحميل يكمل ، و هتلاقى رسالة بالشكل ده

هتفتح الرسالة و هتضغط على قبول الدعوة زى كده

هتفتحلك الصفحة دى ، هتضغط منها على (قبول الدعوة) برضه

هيجبلك بعد كده صفحة بلوجر بتعتك ، و هتلاقى اسم مدونتنا موجود عندك

كده الشرح خلص و اتمنى انه ينال اعجابكم ،،

و انتظروا الموضوع القادم عن كييفية كتابة المواضيع فى المدونة و اضافة الصور و الفيديوهات .. قريبا باذن الله

................................

اقرء المزيد

ما هو الهولوجرام ؟؟

 بسم الله الرحمن الرحيم

التصوير المجسّم   (Holography) من انجازات العلم الحديث والتكنولوجيا تقنية الهولوغرافي   (Holography) التي تمتلك خاصية فريدة تمكنها من اعادة تكوين صورة الاجسام الاصلية بأبعادها الثلاثة بدرجة عالية جدا. كلمة هولوجرافي أصلها يوناني مشتق من كلمة هولوس (Holos) أي كل ، وغرافو (Grapho) أي (الكتابة) بمعنى سجل الصورة الكامل أو فن التصوير المجسّم . يختلف اساسا التصوير المجسّم عن التصوير التقليدي أن التسجيل ليس في كثافة المادة الحساسة للضوء فحسب، بل أيضا الى حزمة من الموجات الضوئية التي تصطدم بالجسم المراد تسجيله فتخطط الموجات الضوئية حاملة المعلومات الكاملة عن تخطيط ثلاثي الابعاد للجسم. فالتصوير المجسّم يعتمد على تسجيل سعة موجة الجسم و طورها. حيث تسجّل في لوح معين (يسمى هولوغرام) بحيث إذا أضيء فإنه يكون بالإمكان إعادة تكوين صدر الموجة. وبالتالي فان الصورة تتكون في الفضاء الثلاثي الأبعاد و ليس على ورقة كالتصوير العادي، كما ان الصورة المعروضة لا يمكن تمييزها عن الجسم الأصلي أبدا. تاريخ جذور هذه التقنية يعود الى العام 1947 عندما تم التوصل للتصوير الهولوغرافي من قبل العالم دينيس جابور (Dennis Gabor) في محاولة منه لتحسين قوة التكبير في الميكروسكوب الإلكتروني. ولأن موارد الضوء المتاحة فى ذلك الوقت لم تكن حقا متماسكه احادية اللون، فقد ساهمت في تأخر ظهور التصوير المجسّم إلى وقت ظهور الليزر عام 1960. في العام 1962، أدرك العالم اوباتنيكس  (Upatnieks)و العالم ايميت ليث (Emmitt Leith) من جامعة ميشيغان ان الهولوغرام يمكن ان يستخدم كوسيط عرض ثلاثي الابعاد. لذا قررا قراءة وتطبيق أوراق العالم غابور (Gabor) ولكن باستخدام تقنية الليزر. وقد نجحا في عرض صور مجسمة بوضوح وعمق واقعي. بعدها توالت التجارب فعرض اول هولوغرام لشخص في العام 1967. وفي العام 1972، تمكن العالم لويد كروز (Lloyd Cross) من صناعة أول هولوغرام يجمع بين الصور المجسمة ثلاثية الابعاد والسينما غرافي ذات البعدين. تقنية الحصول على الهولوغرام تسقط حزمة من أشعة الليزر على مجزئ لحزمة الأشعة (splitter)  فتنقسم جزئين ينفذ الجزء الأول من الأشعة ليصل إلى مرآة مستوية مثبته فتنعكس الأشعة لتسقط على اللوح الفوتوغرافي. وتسمى بأشعة المرجع (Reference beam) ويسقط الجزء الثاني من الأشعة على الجسم المراد تصويره وتنعكس هذه الأشعة من جميع نقاط سطح الجسم حاملة للمعلومات عنه لتصل اللوح الفوتوغرافي وتسمى هذه الأشعة بأشعة الجسم  (Objective beam) . تلتقي أشعة المرجع وأشعة الجسم على اللوح الفوتوغرافي وتكون النتيجة نمط مركب من تداخل تلك الأشعة يسجل على اللوح الفوتوغرافي وبعد تحميض اللوح الفوتوغرافي يظهر نمط تداخل الأشعة في صورة مناطق مظلمة وأخرى مضيئة ويسمى اللوح الفوتوغرافي بعد تحميضه وتسجيل نمط التداخل عليه بالهولوجرام يلزم بعد ذلك إعادة تكوين الصورة وذلك بإضاءة الهولوجرام بالأشعة المرجع وبالنظر خلاله تظهر صورة مجسمة تماثل الجسم تماما ومسجلة لجميع دقائق الجسم في ثلاثة أبعاد.

يمكن تسجيل أكثر من صورة واحدة على نفس اللوح الفوتوغرافي وذلك بإستخدام عدد من الأشعة المرجع في إتجاهات مختلفة وتكون كل صورة مستقلة عن الأخرى. كما يمكن تخزين عشرات الصور على هولوجرام واحد ويمكن الحصول على صور ملونة لجسم بأبعاده الثلاثة على هولوجرام واحد وذلك بإستخدام ثلاثة حزم من أشعة الليزر ذات الألوان المختلفة 

و هذه الصورة للتوضيح اكثر

و هذا فيديو توضيحى لعملية انتاج مجسم هولوجرام

https://www.youtube.com/watch?v=tjWznlGst9M


يحتوي الهولوغرام (أو اللوح الحافظ لنموذج التداخل) على توزيع معقد من المناطق الشفافة و الداكنة التي تناظر أهداب التداخل المضيئة و المظلمة، و عندما يضاء بشعاع مشابه تماما للشعاع المرجعي الأصلي فإنه الشعاع سوف ينفذ من خلال المناطق الشفافة و يُمتَصّ في المناطق الداكنة بدرجات متفاوتة مكونا بذلك موجة نافذة مركبة، هي الموجة المركبة للجسم الأصل. و على هذا فإن الحصول على الهولوغرافي يتم على مرحلتين: الأولى: تسجل فيها أنماط التداخل ثم الحصول على الهولوغرام، والثانية: يتم فيها إضاءة الهولوغرام بطريقة معينة بحيث يكون جزء من الشعاع النافذ من الهولوغرام مطابقا لموجة الجسم الأصل، فنرى صورة ماثلة في الهواء أمامنا و كأنها الجسم الأصلي.

اقرء المزيد